المساعد الشخصي الرقمي

مشاهدة النسخة كاملة : واحد اعمى واحد اخرس


yutam daniel
11-01-2010, 12:32 PM
هاي مشاركتي الاولى اهنا ارجو ان اكون خفيف الظل .
عندي حزورة كلش سهلة وكايله لهواية ناس من سنة 1980 ولحد الان محد مديعرف الحل واليعرف الحل الة جائزة ثمينة .

( اكو واحد اعمى واحد اخرس ابو الاعمى مات الاخرس شلون يكلة ابوك مات )

تحياتي

admon mikhail
11-01-2010, 07:31 PM
جاري التفكير
يسلمو

mary_iraq
12-01-2010, 01:01 AM
حزوره محيره بصراحه عود لحد ما اعرف اكتب الرد

ميرسي الك

Rivie
12-01-2010, 06:06 AM
حزوررة صعبة اول مرة اسمعهة بس لازم احلهة بس انطيني مجال .. تحياتي

arkan_sanaty
13-01-2010, 12:04 AM
اشكرا على الحزورة بس صدك صعبة
خلي نفكر وننطيك الجواب

سانتا
13-01-2010, 04:36 PM
يسلمووو للحزورة
يرادلها تفكير

yutam daniel
14-01-2010, 04:08 AM
اخي العزيز ادمون ( اخذ وقتك) شكرا على المرور

yutam daniel
14-01-2010, 04:10 AM
اخت ( mary_iraq ) فكري على راحتج.. وشكرا على المرور

yutam daniel
14-01-2010, 04:13 AM
الصديقة العزيزة (Rivie ) شكرا على المرور الجميل وعندج مجال اشكد متريدين..

هواية صعبة...! من تلا..........

yutam daniel
14-01-2010, 05:00 AM
شكرا اخي ( arkan_sanaty ) شكرا على مرورك الجميل وعندك مجال براحتك ولا تنسى اكو جائزة قيمة.. وبالتوفيق.

yutam daniel
14-01-2010, 05:04 AM
شكرا اخت سانتا على مرورك الجميل وعلى اقل من مهلك وبالتوفيق

سانتا
14-01-2010, 09:15 PM
يا الله سامعتها هل حزورة هي بيها فيكة بالحجي يمكن
هي الحزورة تكول ابو الاعمى مات هو مو مات يمكن اسمه مات
هيجي عرفت اني بعد ما اعرف

yutam daniel
15-01-2010, 07:04 AM
الاخت العزيزة سانتا لا مو هذا الحل اني اسف .. والحل مابي فيكة الحل منطقي .

اتمنالج التوفيق وتحزريه

Snowdrop
15-01-2010, 07:15 AM
شلونك ابو جون

الحل واحد من 2


1-الاخرس مو اخرس لكن من بيت الاخرس او اسمه اخرس.


2-يكتب على الرمل ويخلي الاعمى يمشي ايده على الرمل ويقرا المكتوب.

yutam daniel
15-01-2010, 12:58 PM
يا هلا ب(snow drop ) والله مشتاقين بس تعذرني الحلين مو تمام وعلمود اوضحلك الاخرس مو من عائلة الاخرس لانه هو اجنبي هذا الرد على جوابك الاول والرد الثاني الاعمى والاخرس بغرفة كاعدين وماكو تراب بالغرفة .. ويلة يمعودين ترة الحزورة سهلة بس يرادله شوية تفكير .. والجائزة ثمينة . وتحياتي الك وللجميع

سانتا
15-01-2010, 01:11 PM
رجعت ويا حل ثاني


اعتقد أن الاخرس والاعمى هم شخص واحد
لأن انت باللغز مكايل ان اكو شخص اعمى وشخص اخرس
اذا كان افتراضي صحيح هم نفس الشخص الاعمى والاخرس
فهو يعرف ابو مات شون يكول لنفسة انو ابوه مات

هيج حللت اللغز
تحياتي

yutam daniel
15-01-2010, 02:49 PM
هههههه دمج خفيف وهلا بيج بئي وقت وبئي حل اخت سانت.
بس اللغز واضح واني دا اكول اكو واحد اخرس واحد اعمى يعني اشخاص اثنين ..
وديبين عليج راح تحليهة وراح تفوزين بالجائزة .
واتمنالج الموفقية وشكرا على مرورك الجميل.

كارولين
15-01-2010, 04:56 PM
اول شي تحياتي الك اخ yutam danielويسلموااااا



ابصراحة الحزورة كلش مدوختني من اول يوم ما منزلها الى هسه انى دافكر بيها

اول مرة ما احزر شي علمود هيجي كلت لازم اعرفها فا جبت حل وممتاكدة منه



( اكو واحد اعمى واحد اخرس ابو الاعمى مات الاخرس شلون يكلة ابوك مات )



الجواب ..........


1.اعتقد مراح يكله ابوك مات لين انقهر عليه

لــــو


2.لو ايجيب واحد ثاني وهو يكول للاعمى ابوك مات






تحياتي الك

سانتا
15-01-2010, 07:01 PM
ههههههه لعد شنو الجواب أخ yutam daniel دخنا

عندي هم حلين بس اكيد غلط

مو ابو الاعمى مات ،،الاعمى مات

لو

الاخرس هو يطلع ابو الاعمى

تحياتي

yutam daniel
16-01-2010, 05:28 AM
شكرا اخت كارولين على مرورك الجميل .. ولدوخين يمعودة اذا تريدين اطيج الحل..ههههه
بس الحلول الي دزيتيه مو صحيحة اني اسف .. هم اثنين بوحدهم بالغرفة ومهمة الاخرس ان يكلة للاعمى ابوك مات .. ومشكورة وحاولي مرة لخ
تحياتي

yutam daniel
16-01-2010, 05:36 AM
مشكورة اخت سانتا على ردودج اللطيفة ومع الاسف الحلول بعدهة مو صحيحة .. ولدوخين اخذيلج حبايتين اسبرين وكلاص جاي ثكيل وراح تصيرين زينة ..هههههه.
بس بالطريقة الدت فكرين بيهة اعتقد راح توصلين للجواب الصحيح .
وشكرا مرة اخرى وبالتوفيق

diana_altlskufea
16-01-2010, 08:16 AM
شكرررررررررا على الحزرة الحلوة
بس شوية صعبة يرايدلهاااااا تفكير انتيني مجال

كارولين
16-01-2010, 02:11 PM
هلووووووو


هم جبت حلوووول مو واحد بس



يمكن الاخرس والاعمى اخوة



او المات يطلع ابو الاخرس مو الاعمى



لو الاخرس يجيب ايد الاعمي ويخليها على المات وهو راح يعرف انه ابوه المات



اووووووف تعبت غير اتجيب حزورة سهلة




تحياتي

الهوزية
16-01-2010, 11:54 PM
جااااااااااري التفكير !!!!

yutam daniel
17-01-2010, 05:09 AM
شكرا اخت (diana ) على مرورك الجميل.. واخذي مجال اشكد متردين .

تحياتي

yutam daniel
17-01-2010, 05:15 AM
هلا بيج اخت كارولين وبحلولج بس الجواب مو صحيح وحتى اوضحلج هم اثنين بوحدهم بالغرفة وابو الاعمى ما موجود بالغرفة بعدة بالثلاجة ما المستشفى .
واذا تريدين حزورة سهلة فاحزرج هاي (اكو فد شي اخضر وبداخلة احمر وبي حبابي صغار لونهم اسود واول حرف من اسمة ن يعني حرف النون) شنوة اعتقد هاي الحزورة سهلة .
وتحياتي

yutam daniel
17-01-2010, 05:17 AM
شكرا اخت الهوزية على مرورك الجميل
وفكري على راحتج
وتحياتي

admon mikhail
17-01-2010, 07:31 AM
ههههههههههههههههههه
حلوة
الجواب

نص ركية

تسلم يا وردة عليه
بس الحزورة الاولى اعتقد بيه لغز مو حل عادي

yutam daniel
17-01-2010, 08:23 AM
يا هلا باخ ادمون حللك مال الركية صحيح
وعاشت ايدك..
بس باقي الحزورة مال الاعمى
اتمنالك التوفيق وشكرا على مرورك الجميل
تحياتي

nenorta
17-01-2010, 09:10 AM
( اكو واحد اعمى واحد اخرس ابو الاعمى مات الاخرس شلون يكلة ابوك مات )


اللغز مو سهل بس مو صعب وقبل ما احل اللغز اريدك ترد علية

اذا بس هذوله الاثنين وحدهم لعد شلون عرف او سمع الاخرس بالخبر

واذا واحد مايحجي والثاني مايشوف لعد شجابهم سويا وشلون صفوو بمكان وحدهم

وليش بالاساس الاخرس يريد يكل للاعمى ابوك مات

واللغز أله حل اكيد تحلف لان اني شفت هاذ اللغز بمنتدى ثاني قبل الف سنه واعترفو ماله حل

وانته اصلا شاعر شجابك للالغاز اكتب شعر احسن لان حزورتك توجع الراس

بس ورطة وياك حزورتك توجع الراس وشعرك يوجع القلب




ولما ترد اشوف اذا اقدر اجيك بالحل

yutam daniel
17-01-2010, 11:44 AM
اللغز مو سهل بس مو صعب وقبل ما احل اللغز اريدك ترد علية.اهلا وسهلا نينورتا شو ماكو من زمان انشالله بخير.. شنو جاية علية كبل هدادة..هههههه.
صار راح اجاوبج على اسئلتج

اذا بس هذوله الاثنين وحدهم لعد شلون عرف او سمع الاخرس بالخبر
الاخرس يسمع لكة واحد بالسوك وكلة.
واذا واحد مايحجي والثاني مايشوف لعد شجابهم سويا وشلون صفوو بمكان وحدهم
لو تعرفين قصتهم وشجابهم سوية راح تبجين..
وليش بالاساس الاخرس يريد يكل للاعمى ابوك مات
عزيزتي هي الحزورة هالشكل وكل الحزورات نفس الشي مثلا اكو فد شي لو اكو واحد لو اكو اثنين لو ولو...الخ يعني مثل النكتة منكدر نكول ليش هذا وليش هذاك .
واللغز أله حل اكيد تحلف لان اني شفت هاذ اللغز بمنتدى ثاني قبل الف سنه واعترفو ماله حل
تقصدين الحلفان يعني اي ليش لا.. وعيونج
وشلون شفتي اللغز قبل الف سنة وانت عمرج 22 سنة ومجان اكو اصلا كومبيوتر.
وانته اصلا شاعر شجابك للالغاز اكتب شعر احسن لان حزورتك توجع الراس
اكتب كلشي وحتى عندي خوش نكات بس بعد ممنزلهم.
بس ورطة وياك حزورتك توجع الراس وشعرك يوجع القلب
سلامتج من وجع الراس ومن وجع القلب .
ولخاطرج راح اكول الحل عن قريب.



ولما ترد اشوف اذا اقدر اجيك بالحل

هاي اني رديت على اسئلتج ومنتظر منج الحل
وارجو ان تكون اجوبتي خفيفة عليج
واني بانتظار الرد ولا تكطعين علينة
وتقبليي مني اجمل التحيات

nenorta
17-01-2010, 06:49 PM
زين لعد الاخرس يجيب واحد من السوك ويكله للاعمى


لو الاخرس يسوي قهوة مرة سادة ويشربها للاعمى ويحضن الاعمى ويبجي والاعمى يفهمها

لو الاخرس يضل يبجي الاعمى يساله شبيك يضل يبجي الاعمى يسال لك شبيك واحد مات
يسوي حركه صوت اااااااا يعني اي الاعمى يساله من مات ابوك الاخرس يسوي حركة صوت
نننننننن الاعمى يسال لعد ابويا الاخرس يسوي الحركة اااااااا ويبجي ويحظن الاعمى ويبجي

لو الخرس يحط ايده على شوارب الاعمى ويبجي وهذاك يفهمها واذ مافهمها طبه مرض ههههه


لو تذكر شلون اهل علموك الكتابة نفس الطريقة يكمش ايد الاعمى ويكتب ابوك مات البقية بحياتك


دقيقة دقيقة كلش سهلة هو اصلا مو ابكم اخرس يعني يقدر يحجي يقوله عادي ابوك مات
الان العمى مايشوف الابكم مايحجي والاخرس مايسمع والاطرش دقيقة تلخبطت راح ارجع بالحل تلخبطت شويه بس اللوفه بالاخرس

كارولين
17-01-2010, 08:00 PM
هلو

رجعت ومعاية جم حل


ويمكن مو صحيح هم



اوكى



1.يمكن الاعمى يطلع ابو الاخرس



2. لو من الاخرس يريد يكول للاعمى شي اكو بينهم لغة اللمس وهيجي الاعمى يفتهم شديكله الاخرس

يعنى اكو بينهم لغة اللمس والاشارات



3. لو ماكو حل لهل لغز








والله دخت بيها مخليت واحد بل عائلة ومكتله ومحد يعرف الحل



تحياتي الك

angel_84
17-01-2010, 08:58 PM
بصراااااااااحه مدا اعرف الحل
شكد عيب ههههههههه

nenorta
17-01-2010, 09:20 PM
جبت الحل


طبعا من موقع ثاني الحل هو


الاعمى عبارة عن ورقة والاخرس قلم وتكتب على الورقة بالقلم ابوك مات



ههههههههههههههههههههههههههههههههههههههه سهلة بس صعبة

yutam daniel
18-01-2010, 03:29 AM
يا هلا نينورتا ..
مع الاسف
حلولج بعدها مو صحيحة وميصير يجيبون شخص ثالث
بيناتهم لازم الاخرس يكول للاعمى ابوك مات
والحل الجايبتة من موقع ثاني هم مو صحيح
لانو الاعمى والاخرس اشخاص مو ورقة ولا قلم
واني اااااااااااسف وحاولي مرة لخ
بس علمود اوضحلج الحل منطقي مية بالمية
وتحياتي الج وبالموفقية

yutam daniel
18-01-2010, 03:34 AM
هلو كارولين لدوخين يمعودة
راح اوضحلج .. جيبي اثنين وخليهم يمثلون
واحد دور الاخرس واحد دور الاعمى
وشوفي شلون راح يكلة الاخرس للاعمى
وهاي انطيتج نص الحل .. بعد شتردين ههههههه
واتمنالج التوفيق

yutam daniel
18-01-2010, 03:37 AM
شكرا لمرورك الجميل اخ (angel-84 )
ولا يهمك حاول مرة لخ وانشالله تعرف الحل
تحياتي

nenorta
18-01-2010, 04:59 AM
مرحبا


شوف ترى اني مدوخة نص المدينة بهاي القصة وجبتلك حل بس مو من ذكائي ابويه ساعدني
بما انهم سويا اكيد يعرفون يتعاملون بلغة الاشارة باللمس لان كل حرف اله حركة بالايد
والصورة توضح قصدي فالاخرس اكيد متعلم هاي اللغة وراح يكمش ايد الاعمى ويسوي حركة
كل حرف وطبعا الاعمى يعرف الاحرف راح يفهم ابوه مات


http://up3.up-images.com/up//uploads2/images/images-cd74781b71.jpg (http://fashion.azyya.com). (http://uploadpics.a2a.cc). (http://www.a2a.cc)


مو تقول غلط ابويه يزعل عليك

nenorta
18-01-2010, 05:13 AM
بس اريد اضيف شي

اذا كان الاعمى والاخرس هسة مجتمعين الاعمى راح يقل للاخرس باوع على حركات ايدي اعلمك
الاحرف حتى نحجي ومثل ماموضح بالصورة يقله هاذ حرف الف باء
وبعدين الاخرس يلزم ايد الاعمى ويسوي حركات الاحرف وهذاك يفتهم



الله يخليك قول صح لان راح تجيني الجلطة ولاتنسى الجائزة الثمينة

nenorta
18-01-2010, 05:34 AM
http://up.arb-up.com/i/00104/sqvtzhgpdali.jpg (http://www.arb-up.com/sqvtzhgpdali/Palestinian.jpg.html)


هم جبتها بالعرب اذا مو اجانب هههههههه

الهوزية
18-01-2010, 11:41 AM
ألجـــــــــواااااااااب

اصلا هو ما يعرف ان له اب

كارولين
18-01-2010, 12:16 PM
هلو كارولين لدوخين يمعودة
راح اوضحلج .. جيبي اثنين وخليهم يمثلون
واحد دور الاخرس واحد دور الاعمى
وشوفي شلون راح يكلة الاخرس للاعمى
وهاي انطيتج نص الحل .. بعد شتردين ههههههه
واتمنالج التوفيق







اهلين اخوية


ومنو كلك ما جبت واحد ومثلنا نفس الشي

خليت مرت اخوية تمثل وياية

هي الاعمى وانى الاخرس

بس هم مفاد بكلشي


يلا خلي افكر بعد لي ما اصير مجنونة

ههههههههههههه


تحياتي الك

yutam daniel
18-01-2010, 02:22 PM
يا هلا نينورتا
ضحكت هواية لمن قريت ردج
(شوف ترى اني مدوخةنص المدينة بهاي القصة)ههههههه
بالبداية اني اشكرج من كل قلبي على مجهودج الرائع وشرحج الجميل
بمساعدة ابوج ( سلميلي علي )وما اريد ابوج يزعل علية
بس الحل مو صحيح..
بس تعرفين راح استفاد من هاي الصور اللي دزيتيهة
وراح اقراها يمكن احتاجهة فد يوم من الايام
والحل الثاني هم مو صحيح
وسلامتج من الجلطة
واوعدج اذا الجواب صح اكول صح
بس الصور كلش حلوة وشكرا
على هالمجهود الجميل
وانشالله الجائزة تكون من نصيبج(امين)

تحياتي

yutam daniel
18-01-2010, 02:28 PM
شكرا اخت الهوزية على المرور الجميل
شلون ميعرف ان ليس له اب ..؟
هو يعرف عندة اب بس ميعرف انو مات
والاخرس لازم يكله
وتحياتي

yutam daniel
18-01-2010, 02:36 PM
اهلين اخوية


ومنو كلك ما جبت واحد ومثلنا نفس الشي

خليت مرت اخوية تمثل وياية

هي الاعمى وانى الاخرس

بس هم مفاد بكلشي


يلا خلي افكر بعد لي ما اصير مجنونة

ههههههههههههه


تحياتي الك
.........................................
هلو كارولين
ردج كلش حلو هههههههه
بس دا اتعجب انطيتج نص الحل
ومحليتيهة ..شلون..!
حاولي مرة لخ واذا محزرتي
راح اوضحلكم اكثر
تحياتي

كارولين
18-01-2010, 02:51 PM
اوكى راح يحضنه ويبجي


والاعمى راح يساله شكو ومن يسال على ابوه راح يبجي اكثر راح يفتهم انه مات


لو مايكدر يكله


لو يمسك ايد الاعمى ويطلع 3 اصابع وبعدين ينقص منهم واحد


وبهيجي افتهم الاعمى انهم صارو 2 يعني الثالث جان ابوه ومات




شكد ماافكر شعري كله وكع





تحياتي الك

الهوزية
18-01-2010, 02:54 PM
اذا هو اعمى شلون يعرف انو عندة اب !!!؟؟؟؟

yutam daniel
18-01-2010, 03:06 PM
اخت الهوزية
يعني العميان ميعرفون عندهم اب ..؟؟!!

الهوزية
18-01-2010, 03:07 PM
اني دا اسألك ؟؟

yutam daniel
18-01-2010, 03:11 PM
عزيزتي كارولين بعد التحية
لا موصحيح مع الاسف
والله دا انقهر عليج بس شسوي
وفدوة الج الحزورة
واذا تريدين ادزلج شامبو(عدم تساقط الشعر)ههههه
ولا يهمج عن قريب راح اكول الجواب
وشكرا على مروك الجميل دائما
تحياتي

Dominique Zakhonaya
19-01-2010, 05:18 AM
اخي العزيز يوتم دمرتهم الاعضاء

اني راح اجاوبك عليه انشاء الله يكون صحيح لان راح نتمرض كلنا من ورى حزورتك اذا ما تطلع صحيحة ..

حل هو كالأتي


الاخرس ما راح يقدر يحكي وبنفس الوقت الاعمى ما راح يقدر يشوف لا الاخرس ولا غيره
يعني شوفو احد يقول للاعمى انو ابوه مات باختصار اللغز ما الو حل

ها اخي بشر انشاء الله خير
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا الجواب غير صحيح . هذا جواب الصحيح اوكي

هاي الحزورة عالأغلب موضوعة من باب التعجيز مو أكثر

يعني ما الها جوااااااااااااااااااااااااااااااااب صدكوني ..

محد يوجع راسه لان مابيها حل

yutam daniel
19-01-2010, 11:05 AM
اخي العزيز موفق اشكرك على مرورك الجميل
وسلامتك انت والاعضاء الاعزاء..
اني اسف حلك مو صحيح..
واللغز اخي العزيز الة حل.. وحل مقنع ومنطقي مية بالمية
بس لمن قريت الحلول كلكم دتركزون على شغلة وحدة
علمود هيج مدتعرفون الجواب.
ودائما الشي الصعب احلى من السهل
ولو اني ما اعتقد ان الحزورة صعبة بالعكس
بس اذا تريد حزورة سهلة علمود تحلهة عالسريع
اكدر اكلك حزورة سهلة مثلا..
(شلون طلع حبابي مال الركَية بدون متفتحهة)
وهاي حزورة سهلة .. تدلل.
ومشكور على مرورك اللطيف

تحياتي

nenorta
19-01-2010, 09:29 PM
زين لعد شنو هاي الجائزة الثمينه اني ما اريد اصير صلعه من التفكير اذا الجائزة ماتستاهل

nenorta
19-01-2010, 10:12 PM
زين ابو الاعمى موجود بالغرفة؟


الحزورة مابيها منطق


اذا بس الهدف الطريق الي يكله ماكو غير طريقة كتابة العميان


يجيب ورقه وبالابرة يزرف ابوك مات وهذاك يقراها باللمس


او عاد يكله ابوك مات ولا اصحاب العاهات تكون قدرتهم بالحاسات الثانية اقوى

راح يفهم شنو دايكول

mary_iraq
19-01-2010, 10:21 PM
فكرت بالحزوره وملكيت حل الا انو

الاخرس لمه عرف انو ابو الاعمى مات انصدم واكام ينطق يعني كام يحجي وبعد هذا كال للعمى انو ابوك مات

ما اعرف اذا الجواب صح لو غلط

تحياتي لكم

nenorta
19-01-2010, 10:46 PM
,والله عجبني خوش حل ومنطقي الف مبرووك ههههههههههههههههههه

yutam daniel
19-01-2010, 11:51 PM
الجائزة اخت نينورتا راح انروح كلنة نشرب كهوة
على روح المرحوم ( ابو الاعمى ) هههههههه
شكرا على مرورج تحياتي
وباقي الحلول راح ارجع وارد عليهم
وتمنياتي لكم بالتوفيق

yutam daniel
19-01-2010, 11:55 PM
زين ابو الاعمى موجود بالغرفة؟

اخت نينورتا ابو الاعمى لا ما موجود بالغرفة

همة بوحدهم بالغرفة الاخرس والاعمى

تحياتي

yutam daniel
19-01-2010, 11:59 PM
شكرا اخت mary على مرورك الجميل
وعلى ردك الاجمل ..ولكن....
الجواب مو صحيح اني اسف
لانه الاخرس راح يكول للاعمى
ابوك مات وهو اخرس .
وتحياتي

nenorta
20-01-2010, 12:48 AM
الجائزة ماتستاهل اتعب روحي


اعلن انسحابي واحول الشعلة للاخت كارولين واتمنالها الفوز

Dominique Zakhonaya
20-01-2010, 05:12 AM
اخي يوتم انت بالبداية كايل من سنة 1980 دا اسأل هاي الحزورة للكل و لحد الان ماكو جواب صح ..

هنا هو الحل الحل هو

ماكو جوااااااااااااااب لان لو كان اكو جواب من سنة 1980 على الاقل شخص كان يعرف

اني همينة راح اعلن انسحابي و الله يصبر الجميع هههههه

و تحياتي الك و سلامي للكل

Snowdrop
20-01-2010, 05:52 AM
الحل بسيط ليش معقديها بس ينرادلها ايمان قوي




والحل هو





الاخرس يقعد يصلي من قلبه ويدعي الله تنفك عقده لسانه

وربنا يستجيب دعائه ويقوله للاعمى ابوك مات






او الحل الثاني

يقله بالعربي ابوك مات هههههههههههههههههههههههههه

mary_iraq
20-01-2010, 06:29 AM
الاخرس هو ابو الاعمى

مات الاخرس كيف ينطق وهو ميت

تحياتي لكم

الاخت اكنس دانيال
20-01-2010, 08:59 AM
يمعود صارلك 30 سنة وانت تحزرنا هل حزورة الله يخليك حلها وفضها
هههههههههههههههههههههههههههههههه

yutam daniel
20-01-2010, 11:12 AM
اخت نينورتا ..
دا اشاقة وياج الجائزة مو فنجان كهوة
اكو جائزة ثمينة ..!!
واذا تريدين تنسحبين .. اهلا وسهلا
واشكر جميع ردودك الجميلة
واتمنى لك الموفقية والنجاح الدائم
تحياتي

yutam daniel
20-01-2010, 11:16 AM
اخ موفق
اكو حل للغز بس الميعرف يحلهة
يكول ماكو حل..
وبكيفك اذا تريد الانسحاب
وشكرا على جميع الردود التي قمت بها
وربنا يباركك.
تحياتي

yutam daniel
20-01-2010, 11:18 AM
الاخت العزيزة(snow drop )
الحل الاول حلو.....
والحل الثاني احلى..هههههههههههههه
ونورت الصفحة ..وانتظر المزيد
تحياتي

yutam daniel
20-01-2010, 11:21 AM
شكرا اخت(mary ) على مرورك الجميل
وعلى ردودك الرائعة ..
ومع الاسف الحل مو صحيح
تحياتي

yutam daniel
20-01-2010, 11:29 AM
اختي العزيزة ماسير اكنس
شكرا على مرورك الجميل
( نورتي )
اكو هواية مديقبلون احل اللغز
وديكولون احنة لازم نحلة
واني مطيهم مجال
ودنتواصل مع الاحبة والاصدقاء
وشفتي اصار وية الاصدقاء باميركا
علمود هاي الحزورة ..
وديكلولي انطينة مجال
واخيرا ربنا يباركك ويخليك النا
شمعة تنير دروبنا ..
واتمنالج الصحة الدائمة(امين)

اخوك
yutam daniel

nenorta
20-01-2010, 11:37 AM
يا شاعر المنتدى ليش ماتكتبلنا قصيدة بيها شوية تفاؤل احسن من هاي الحزورة الي
عقدت كل الي اعرفهم تعرف شنو صار اسمي ام العاهات ههههههههههههههههههه



اذا تريد ارجع حل هاي الحزورة واني ارجع افكر بالاخرس

دب قطع مسافة واحد كيلومتر جنوبا ثم اتجه غربا مسافة كيلومتر ثم شمالا مسافة كيلومتر

فانتهى من النقطة التي بدأ منها ... ما هو لون الدب



اذا حزرت راح افكر بحل حزورتك بس سهلها

yutam daniel
20-01-2010, 12:02 PM
يا شاعر المنتدى ليش ماتكتبلنا قصيدة بيها شوية تفاؤل احسن من هاي الحزورة الي
عقدت كل الي اعرفهم تعرف شنو صار اسمي ام العاهات ههههههههههههههههههه

اخت نينورتا راح اكتبلج قصيدة بيها مو شوية تفاؤل هواية تفاؤل .. هههههههههههههه
ليش تتعقدين بالعكس المحاولة نصف النجاح.. وانت يبقى اسمج نينورتا الوردة
بس حزورتج قديمة كلش وحلها بسيط
واني اريد حزورات صعبة علمود احلها
وتحياتي لمرورك العطر .

nenorta
20-01-2010, 12:05 PM
لو سهلة جنت حليتها حبيت اجربك بسهلة ههههههه



على العموم نرجع للاخرس


ممكن ان يكون الأعمى لقبه مو صفته لو قصدك اعمى من صدك وهذاك اخرس من صدك

nenorta
20-01-2010, 12:06 PM
شوف اخ يوتام ابوية يسلم عليك ويقلك ارجع كولها الحزورة

كارولين
20-01-2010, 02:46 PM
هلووووووووو




هم بعد محد عرف الحل

انى بعدي افكر بس مداحلها

اخ يوتام لا تكول الجواب حتى لومحليناها بعد شهر

اخت نينورتا لا تنسحبين عيوني

حتى لوماكو جائزة ماكو فرق

بس المهم واحد منا بعرف الحل

لين انى خلاص صرت كرعة شكد مدافكر

اليوم حروح اكص شعري من ورا هل حزورة


مثلت الدور ميت مرة ومحليتها


اخر مرة

جبت تلفونين كلت هذا اعمى وهذا الاخرس شلون حيكوله ابوك مات


هم ما اعرف هههههههههههه




تحياتي اخ يوتام

Snowdrop
20-01-2010, 04:29 PM
اختي العزيزة ماسير اكنس
شكرا على مرورك الجميل
( نورتي )

واخيرا ربنا يباركك ويخليك النا
شمعة تنير دروبنا ..
واتمنالج الصحة الدائمة(امين)

اخوك
yutam daniel


يعني هي اختك واني واني اخت الجيران تكتبلي بس

الاخت العزيزة(snow drop )

ونورت الصفحة


زين راح اكشفلهم الحل


+



+



+




+

ماتصدكون ما اعرف كارولين فرحت عبالها من صدق

STEVEN_KING
20-01-2010, 06:40 PM
الحل هو بل ايشارات كلا ابوك مات

كارولين
20-01-2010, 09:45 PM
هههههههههههههه



اخت (snow drop ) عبالي من صدك راح تكولين الحل فرحت كلت بعد شعري مراح يوكع










تحيتي لكم

nenorta
21-01-2010, 05:32 AM
اني هم صدكت والله نزلت بسرعة كلت اشوف شنو الحل بس سوتها بينا

زين كارولين ما انسحب بس الصدك عصرت مخي ومابقى بيه شي يعني كم يوم لمستشفى

مال مجانين






اخر شي وصلتله يا اخي هو




يجيب كتاب وكول ااااااااا والاعمى يقول book وتصير ابوك وبعدين يكطع الكتاب ويذبه هههههه



لو ياخذ ايد الاعمى ويحطه على قلبه وبعدين يضربه عليه يعني وجع بقلبه وطبعاً الاعمى ذكي
راح يفتهم



لو ينتحر الاخرس وبعدين يرتاح ويريحنا

yutam daniel
21-01-2010, 06:08 AM
اخت نينورتا
سلميلي على(ابوج)هواية
وراجعي الصفحة الاولى
الحزورة موجودة..
مع تحياتي

yutam daniel
21-01-2010, 06:10 AM
اخت كارولين
بعد محد حل الحزورة
ومراح اكول الحل (تدللين)
وانا انتظر حلولكم الجميلة
تحياتي

yutam daniel
21-01-2010, 06:13 AM
اختي العزيزة(snow drop)
شكرا على مرورك الجميل
واني احبكم كلكم..
واتمنالج الموفقية والنجاح الدائم
وربنا يباركج ويخليج اليا(الملاك الحارس)
تحياتي

yutam daniel
21-01-2010, 06:15 AM
شكرا اخ ستيفن
اني اسف الحل مو صحيح
وقبلك كالو هذا الحل
وشكرا على المرور الجميل
تحياتي

yutam daniel
21-01-2010, 06:21 AM
اخت نينورتا
مع الاسف حلولج مو صحيحة
لو ينتحر الاخرس وبعدين يرتاح ويريحنا
هههههه ضحكتيني..
بس اذا انتحر الاخرس بعدين شلون
راح نرتاح المشكلة تصير اكبر
منو راح يكول للاعمى ابوك مات
تحياتي

nenorta
22-01-2010, 05:19 AM
تعرف اني عنودية


زين شلون ~ شلون ~ شلون هاي يعني دا افكر


تعرف مثلناها اني واخويه واختي وامي وابويه كعدو يتفرجون مارهمت غير بلغة الاشارات


زين اكو بالغرفة تلفون بس حتى لو اكو يعني شلون ترهم


تدري دورت الحل بكل المنتديات وماكو


كارولين شنو صار وياج؟

كارولين
22-01-2010, 12:52 PM
هلوو


والله يا اخت نينورتا


انى هم دخت وما بقى بيا حيل افكر

مخليت احد ومكتله الحزورة وهم معرف


ما ادري شسوي



بس اطلب من اخ يوتام انه يسهلها شوية النا يمكن نعرف الحل




تحياتي

yutam daniel
22-01-2010, 01:18 PM
هلو نينورتا يابة صايرة تخوفين ددكولين انت عنودية هههههههههههههه

شوفي كلكم دتفكرون بنفس الزاوية وتحصرون الجواب باتجاه واحد ..

واذا تسالين سؤال لازم تكملي السؤال ويكون واضح .. ولانه دختي

راح اقبل سؤالج بالرغم انج سالتي وبعدين انت جاوبتي على نفسج

واني راح اسهلج المهمة اي اكو تيليفون بالغرفة وهاي اني انطيتج اول

الخيط وفكري باللغز من ابعاد اخرى .

وانشالله تحزريهة وتحياتي

yutam daniel
22-01-2010, 01:23 PM
هلو اخت كارولين

تدللين راح اسهلهة الج مثل ما اطيت اول الخيط لنينورتا

راح اطيج خيط ثاني ولاتنسين تقرين ردي لنينورتا راح يفيدج

اكو شغلات تفيد الاخرس ..فكري واساليني واذا توصلتي

لشي راح هم اساعدج شوية .. شسوي قلبي حنين

ولازم اساعدكم .. وخلي نشوف شطارتكم

تحياتي

Shams_Sanat
22-01-2010, 04:30 PM
سلام المسيح

على ما اعتقد حلي غلط بس راح افصح عنة عسى و لعلا يفيد

الاخرس بما انه يوجد تلفون سيقوم بالاتصال بشخص يعلم ان ابو الاعمى قد مات و بما انه لا يتكلم اي اخرس فانه كان قد حاول ان يوصل فكرة بطرق مختلفة للاعمى و لكن الاعمى لم يعرف ما يقصده الاخرس فبعد الاتصال بالشخص الثالث الاعمى سيسأله من ان الاخرس يريد ان يفهمه شيئا و لكنه لا يستطيع ان يفهم و بهذا الشخص اللذي على الهاتف سيخبره بان ابيه قد مات

تحياتي لك اخ يوتام حزورة لطيفة جدا

لؤي يوسف البجوايا
23-01-2010, 12:23 AM
اخي العزيز بعد التفكير العميق وصلت الى الحل

وتاكدت منة انة صحيح 100\100بس انتظر جائزتك

الحل هو ؟

انة الاول اسمة اخرس وليس بااخرس فقط اسمة اخرس
والتاني الاعمى اسمة اعمى وليس بااعمى وبهاي الحالة يروح ويكولة عادي

بانتظار جائزتك اخي العزيز

yutam daniel
23-01-2010, 08:15 AM
شكرا اخت (shams) على الفكرة في حل اللغز

ولكن اسف لان الحل غير صحيح وكما قلت في

البداية عدم تدخل طرف ثالث ..والحل هو بين

الاخرس والاعمى فقط ..!

واشكرك على مرورك اللطيف

تحياتي

yutam daniel
23-01-2010, 08:52 AM
اخي العزيز لؤي

هذا الحل كالو قبلك وتكدر تشوف الردود السابقة

ومع الاسف الحل مو صحيح

وشكرا على مرورك

تحياتي

yutam daniel
23-01-2010, 08:57 AM
اخت نينورتا

ها دتتوسطين يم اختي علمود اكلج الحل..ههههههه

ميخالف راح اكولج الحل بس عندي طلب واحد..؟

وهو تعزميني عالعشى ب(C.n tower)..هههههههه

لان حسب ما اعرف انت ساكنة بتورينتو

وتحياتي الج واتمنى تعرفين الحل وتفوزين بالجائزة

ومشكورة

andy_alkhabory
23-01-2010, 02:14 PM
يمكن مابيه حل

yutam daniel
23-01-2010, 03:02 PM
اكو حل وخوش حل

واكو جماعة وصلوا للحل وديبين راح يفاجؤنا

تحياتي

كارولين
23-01-2010, 05:59 PM
اخ يوتام

اذا اكو واصطات علموني


عندي حل واكيد مراح يطلع صحيح

انت ذكرت انه اكو تلفون وكلت هذا اول خيط



يمكن التلفون بيه اله تحجي وهاى ال اله بيها مسجل قران او كذا شي




ادري حلي غلط بس كلت خلي اكوله وحتى افكر بغير شي اذا مو صح



تحياتي

nenorta
23-01-2010, 06:58 PM
اي واسطات ... هذاك مو واسطة ترجي


هههههههههههههههههههه ابوية مايقبل اطلع ويا شباب والاكل بسي ان مو طيب



شوف الحل هو الاخرس يرفع السماعة ويتصل ببيت الاعمى ولما واحد يرد
ينطي التلفون للاعمى واهلة يحجون وياه وكولوله ابوك مات



كارولين حتى اذا واحد ثاني ربح بس احنا الاثنين نستاهل الهدية

yutam daniel
23-01-2010, 07:13 PM
اخت كارولين

والله معرفتج الصورة متغيرة بس هواية حلوة..

لا يمعودة ماكو واسطات دنشاقة..ههههههه

حلج مو صحيح مع الاسف وفكري بغير شي

ولجلبين بالتيليفون .. مو انطيتج اول الخيط

لازم تقرين ردي زين وتركزين علمود تعرفين

شدا اقصد .

ودا انتظر ردج.. وتحياتي

yutam daniel
23-01-2010, 07:26 PM
هلو اخت نينورتا شلونج انشالله زينة

هههههههههههههههههههه ابوية مايقبل اطلع ويا شباب والاكل بسي ان مو طيب

شوفي الشهر الجاي راح اروح لكندا ازور اختي .. والاكل بالسي ان هواية طيب..
واذا المشكلة ابوج راح ناخذة ويانة ..ههههههههههههه

بالنسبة لحلج مو صحيح ومثل مكلت لكارولين ركزي على غير شي مو بس التيليفون
واذا تريدين الصدك انت وكارولين تستاهلون الهدية لانهو تعبتو هواية والله يساعدكم
ويمكن تحزروهة سوة .. وتحياتي

nenorta
23-01-2010, 07:29 PM
اختك الي بكندا تعرف الحل ههههههه


زين ممكن توصفلنا شنو اكو بالغرفة

yutam daniel
23-01-2010, 07:39 PM
هلو نينورتا

اي يرادلج هلهولة مبرووووووووووووك..

هسة بديتي تمشين صح

بس اني ساعدتكم شوية مو..؟

الغرفة بيهة(تيليفون_قنفة_تلفزيون_كومبيوتر_راديو_زولية _مكتبة_واشياء اخرى)

بس اختي متعرف الحل ومحد ميعرف لحد الان ..

واذا حجيتي وية كارولين كوليلهة خطية علمود تفكر وياج

وتحياتي وبالموفقية

كارولين
23-01-2010, 08:38 PM
هلو اخ يوتام هلو اخت نينورتا



الحل مو بل تيليفون ولا بل زولية ولا بل قنبة مو

يعني هسه نفكر باقي الاشياء

زين شنو هي اشياء اخرى ؟


احنا طماعين نريد نعرف كلشي بل غرفة




راح نخليك بل اخر تكول الحل ههههههههه








تحياتي

yutam daniel
23-01-2010, 08:45 PM
هلو اخت كارولين

والله حتى بالحلم كمتو طلعولي .. ههههههههه

راح اطيكم كلشي بالتفصيل شكو بالغرفة

بس انطوني مجال .. راح اروح وارجع

واطيكم التفاصيل .. الى اللقاء

nenorta
24-01-2010, 03:13 AM
كارولين شنوووو ها الجمال حب لعد ليش تحطين صورة اشوارايا عيونج احلى


يوتام اتصور يدخل الاخرس للكمبيوتر ويحط اغنية ابوك مات انت كونت فين



ههههههههههههه

yutam daniel
24-01-2010, 09:43 AM
اخت كارولين والله دوختيني كل مرة تحطين صورة احلى من اللخ..هههههههه

بس تعرفين صورتج احلى من اشواريا بهواية ومنورة الصفحة..

بالنسبة للغز سالتيني على محتويات الغرفة اكو( مواعين- وصوبة علاء الدين- وجولة..ههههههه)

شوفي الاشياء الباقية مو مهمة والي ذكرتهم بالبداية اهم

واتمنالج الموفقية .. تحياتي

yutam daniel
24-01-2010, 09:49 AM
هلو نينورتا واخيراً شفت صورتج والله منورة الشاشة مال كومبيوتر

والدعوة مال العشى لي هسة قائمة ..ومباقي وكت راح اروح سفرة لكندا وفكري ..ههههههه

وشنو اخبار الحزورة ترة اطيتكم هواية اشياء وسهلتلكم المهمة وين ردودكم

والتوفيق انشاء الله.. تحياتي

كارولين
24-01-2010, 12:12 PM
صباح الخير اخت نينورتا واخ يوتام

وصورتكم بعد احلى انتوا الي منورين المنتدى كله مو بس الصفحة


انى الى هسه ملكيت حل ثاني دافكر انشاءالله اوصل لشي


تحياتي الكم

yutam daniel
24-01-2010, 01:11 PM
الله يوفقج وتمنياتي بالنجاح

arkan_sanaty
28-01-2010, 12:56 AM
لحد الان ما كو جواب اني جبتلكم جواب
.
.
.
.
.
.
.
.
.
.
.
.
..
.
.

.
...
.
.
.
.
بس لازم اعرف الهدية وبعدين
.
.
.
.
.
.
.
.
.
.
.
.
.
انطوني فرصة خلي افكر بعد اوكي ههههههههه

تحياتي

nenorta
28-01-2010, 05:41 AM
ههههههههههههههههه

عبالي صدك جايبها وجاي

اني وكارولين فقدنا الامل



يوتو وين الحل

yutam daniel
28-01-2010, 12:03 PM
هلو اخ اركان ....

الهدية عبارة عن تيليفون موبايل (نوكيا_n95).. واللي يربح راح احاول اوصلة الة بئي دولة يكون

واذا ما كدرنة راح نحول الهدية للادارة وهمة يوصلوهة بطريقتهم .. وبالموفقية

yutam daniel
28-01-2010, 12:05 PM
هلو نينورتا .....

ما عندي مانع اذا تريدين راح اكول الحل....؟

كارولين
28-01-2010, 12:55 PM
هلو


هاي شنو اخ اركان انى عبالي من صدك عرفت الحل


بس والله انى فقدت الامل ونينورتا هم



تحياتي

adil_video
31-01-2010, 12:38 AM
هلو الجواب هو الاخرس يوضع التاج على راس الاعمى . لان الاعمى ابن الملك يعرف بان ابوه قد مات

admon mikhail
31-01-2010, 03:53 AM
انشالله حل ابن عمتي عادل صحيح يا اخ يوتام
ترى حرام عليك الي دتسوي بالبنات راح يدمرون من التفكير

الهوزية
31-01-2010, 12:48 PM
هاي لساتكم دتحلون بيها مساكين والله البنات تعبو من التفكير

Klodia Shamoun
31-01-2010, 03:15 PM
عاشت الایادی علۍ های الحزوره المحیره بس انی عندی حل علۍ ما اضن يمكن الاخرس كان ابو الاعمى :)

ابن العراق
31-01-2010, 06:47 PM
صدكوني صدكوني صدكوني صدكوني صدكوني
صدكوني صدكوني صدكوني صدكوني
صدكوني صدكوني صدكوني
صدكوني صدكوني
صدكوني

ماكو جوااااااااااااااب لان لو كان اكو جواب من سنة 1980 شخص كان يعرف

مثل ما كايل من سنة 1980 دا اسأل هاي الحزورة و محد وصل للجواب الصحيح

شغلوا عقلكم يا جماعة شوية هاي شبيكم دوختوا راسكم

nenorta
01-02-2010, 12:25 AM
بالعكس الها الحل المشكلة مادانشغل عقولنا صح

بس اني راح اجيب الحل واخذ الجائزة جنت مشغولة بعرس اختي ومافكرت

بس راح اجيب الحل

nenorta
01-02-2010, 02:18 AM
شماس مع احترامي الك بس هذا الحل مطروح وغلط مو صحيح

تشربه كهوة مرة يمكن ماعندك شكر لو يمكن تحبها سادة مو مقلم ههههه

صح يوتام

نسمه
02-02-2010, 08:26 PM
اتمنى ان يكون جوابي صحيح هو الاعمى نفسه مات وكان اسمه ابو الاعمى

yutam daniel
02-02-2010, 10:02 PM
هلى باْخ عادل
وهلى باْخ ادمون

مع الاسف الجواب مو صحيح لانه ابو الاعمى مو ملك.
واذا تريد اكلك شيشتغول ابو الاعمى..؟


ودتكول البنات ادمرو من التفكير.. هههههههه
والله اني هم دمروني .. حزورة كلش سهلة ومديحلوهة..لعد اذا اكول الحزورة
الثانية العندي شلون الحزورة الثانية اصعب بهواية..ههههه

وانشالله موفقين بالحل..وتعذرني اتاخرت بالرد لانه جنت مشغول هواية.

وتحياتي

yutam daniel
02-02-2010, 10:05 PM
هلو الهوزية

صدكيني دا اصلي علمود يحلوها .. هههههه

yutam daniel
02-02-2010, 10:09 PM
هلو اخت كلوديا

مع الاسف الحل مو صحيح

واكو اعضاء هم جاوبو نفس الشي

وشكرا على مرورك الجميل .. تحياتي

yutam daniel
02-02-2010, 10:12 PM
هلو اخت نسمة

مع الاسف الحل مو صحيح
لانه هم اشخاص اثنين...
وشكرا على مرورك الجميل .. وتحياتي

yutam daniel
02-02-2010, 10:14 PM
هلو اخت نينورتا

دا اكول ماكو من زمان
ومبروك العرس (بالرفاه والبنين)
واني دا انتظر حلولكم

تحياتي

كارولين
03-02-2010, 09:41 PM
هلووو




كل هل ردود وين جنت انى ؟


يمكن جنت داخله بغيبوبة


يمة كولها من ورا هل حزورة


حتى شعر براسي مبقى


هههههههههه


عندي حل

اخوية كلي عليه يمكن يطلع غلط ههههههه لين اكيد مو صحيح


الحل


انه الاخرس يكتب بل كمبيوتر

انو ابو الاعمى مات والكمبيوتر راح ينطقها بصوت

وهيجي راح يعرف الاعمى انه ابوه ماااااااااات



اكلك اخ يوتام هذا ابو الاعمى ليش مات

غير يجي يموت كدام ابنه حتى لا يدوخنا كل هل دوخة



طولت عليكم سوررررررري




تحياتي للجميع

رنووشه
03-02-2010, 11:34 PM
اني عندي حل بس مااعرف صح غلط

الولد مو اعمى بس اسمه هو_ اعمى_ والاخرس كتبله ابوك مات وقراها وعرف

جواب مقنع لو لا

yutam daniel
05-02-2010, 05:31 AM
هلو اخت كارولين
مع الاسف الحل مو صحيح
لانه الحل مو بالكومبيوتر ..
بالنسبة لابو مات لمن جان بالشغل
علمود هيج كالو للاخرس انت كولة..هههه

تحياتي

yutam daniel
05-02-2010, 05:33 AM
هلو اخت رنوشة

الجواب مو مقنع مع الاسف

لانه من البداية كلت همة اشخاص اثنين

واتمنى تعرفين الحل بامرات الجاية

تحياتي

الهوزية
09-02-2010, 06:36 PM
ألحـــــــــــــــل

اني اتوقع انه الاخرس يتكلم لأنه اخرس مش ابكم

او اطرم فهذا يدلنا على انه رايح يتكلم معاه عادي ويقوله ابوي مات

yutam daniel
10-02-2010, 01:32 AM
مع الاسف الحل مو صحيح
لانه الاخرس .. ميكدر يحجي فدمرة
وشكرا على المرور

رنووشه
14-02-2010, 01:44 PM
بصراحه انت دوختنا كل الحلول غلط دتطلع ماكو اي حل بعد اني اعرف اللغز بالاعمى والاخرس بس شنو هو مدااعرف
ليش متحلها انت حتى نعرف الحل ونرتاح شتكول ؟؟

nenorta
14-02-2010, 08:54 PM
اي والله حلها وفضها لو انته هم متعرف الحل ههههههههه

yutam daniel
15-02-2010, 05:45 AM
شكرا اخت رنووشة على مشاركتج الحلوة وراح اكول الحل بس لمن ارجع من كندا

لانه راح اروح يوم الثلاثاء ومراح اتاخر بس اسبوع..

وتحياتي الكم جميعا

yutam daniel
15-02-2010, 05:47 AM
هلو نينورتا يعني ديبين ايستي ورفعتي الراية البيضة

صار ترقبوا الحل قريبا........

بس اكو حزورة اقوى حضروا نفسكم

تحياتي

nenorta
16-02-2010, 10:28 AM
موبس يئست وخشبت تخشيب

لايمعود يكفي هاي الحزورة بس انطينة الحل

yutam daniel
17-02-2010, 01:40 AM
هلو نينورتا يعني متريدين حزورة ثانية ..هههههههههههه

هاي شبساع ايستوا.. اني كلت راح تحزرين الاولى وراح تاخذين الجائزة

بس اكو عضو كلي انتظر شوية .. لانه ديبين عرف الحل ..

تحياتي

teta
17-02-2010, 10:02 PM
اعتقد الاخرس يكتله للاعمى ومن يموت راح يشوفه لأبوه ويعرف انو مات :d

Snowdrop
17-02-2010, 10:09 PM
ههههههههههههههههههههههههههههههههه

تالا منو قال راح يلتقون يمكن واحد يروح للجنة والثاني عا النار ههههههههههههه

لك يوتام من سنة 1980 وانتة تحزرني هاي الحزورة اااااااااااخ منك


ماعندي حل لو عندي جنت قلته من زماااااان

teta
17-02-2010, 10:30 PM
ههههههههههههههه
اي كلهم انطوله حلول ديكول غلط هوه لو يكتله احسن من ما يشلع كلبه ويفهم بي ساعه علما يعرف أنو ابوه مات
هههههههههههههههههههههه

Snowdrop
17-02-2010, 10:33 PM
اني راح اسهللكم ياها يوتام قلي الحل بالاعمى مو الاخرس
بس الصدق ماحاولت افكر تعبت من سنة 1980

هههههههههههههههههههههههههههههههههههه

كارولين
18-02-2010, 12:01 AM
يمة يمة

snowdrop انتى كاعدة تحلين بيها من سنة 1980 لي هسه

ومعرفتيها؟ واخ يوتام يريد نعرفها احنا

اكلج لعد اخبار شعرج بعده زين لو وكع مالتج هم ههههههه


خلاص اخ يوتام حلها هل حزورة

وبعدين حزرنا غيرها



تحياتي

لاريسا
18-02-2010, 01:01 PM
زين يمكن الحل هو ...... ان الاخرس نفسه هو ابو الاعمى اي ان الاخرس مات

yutam daniel
22-02-2010, 10:32 AM
مع الاسف اخت(teta) الحل مو صحيح وشكرا على المرور

تحياتي

yutam daniel
22-02-2010, 10:34 AM
شكرا اخت لاريسا على المرور الجميل والحل مو صحيح مع الاسف

وبالتوفيق المرات الجاية.. تحياتي

yutam daniel
22-02-2010, 10:36 AM
زين اخت (snow drop) واخت (كارولين) ترقبوا الحل قريبا جدا

وشكرا على مروركم الحلو .. تحياتي

andiana bedawed
23-02-2010, 12:26 AM
بصراحة كولش محيرة ما اعرف شنو الحل لان ماشاء الله مبقة حل اذا مكلتو وهم الجواب مو صحيح اوكي انطينه الحل لان مبين محد مراح يعرف حله

تحياتي andiana

yutam daniel
23-02-2010, 05:09 AM
شكرا اخت (andiana) على مرورك الجميل

بس الاجوبة كلها دتتركز على نفس الشي .. والجواب كلش سهل ..!!

وراح انطيكم الحل قريبا.. تحياتي

adel_gorges
26-02-2010, 02:09 AM
الاعمى مو ولدان بعدا بطن والدة

yutam daniel
26-02-2010, 02:37 AM
جوابك غير مفهوم

adel_gorges
02-03-2010, 09:18 PM
الحزور محيرة بصراحة

adel_gorges
04-03-2010, 11:07 PM
الاعمى جنين بطن امة

andiana bedawed
01-05-2010, 09:34 PM
حزورة محيرة ولحد الان مدا نعرف شنو الجواب

الهوزية
02-05-2010, 02:52 PM
نتمنى منك عزيزنا المشرف ان دكول شنو الجواب

لانه الحزورة اخذة حقها من الردود اتمنى تقول الجواب علمود نغلق الموضوع

lover germany
03-09-2010, 09:07 PM
عاشت الايادي

mary_iraq
20-09-2010, 12:34 AM
محد مدا يعرف الجواب
ممكن اتكول شنو هو الجواب لان بصراحة دخنه بيها هههههههههه

lover germany
22-09-2010, 04:40 PM
اي دخنا بيها

رائد الشروف
03-08-2012, 02:20 AM
مشان ربك شو الجواب مشان الله

العاشق الحزين
03-08-2012, 02:21 PM
هل حزورة ماعدهة جواب
اكو هم حزروة ثانية مشابهة و ماعدهة جواب والحزروة هي واحد اعمي و اخرس و اطرش شلون اتكولة مات ابوك
يعني الحزروة ماعدهة جواب

مع تحياتي لجميع

دموع الحب
07-08-2012, 10:44 PM
يسلمو عل لعبة